ՇԱՐԱԴՐՈՒԹՅՈՒՆՆԵՐԻ ՄՐՑՈՒՅԹ / ««Մթնաձոր»-ը կարդալուց հետո...»

ՀԱՅՏԱՐԱՐՈՒԹՅՈՒՆ

Ակսել Բակունցի ծննդյան 115-ամյակի առթիվ «Միրհավ» գրական խմբակը հայտարարում է շարադրությունների մրցույթ՝ ««Մթնաձոր»-ը կարդալուց հետո...» խորագրով*:

Մրցույթի պայմանները.

-Մրցույթին կարող են մասնակցել Գորիս քաղաքի / նաև շրջակա գյուղերի/ հիմնական և ավագ դպրոցների աշակերտները:

-Աշխատանքների ընդունումը` մինչև ս/թ հոկտեմբերի 1-ը ներառյալ:

 -Շարադրության նվազագույն ծավալը՝ 500 բառ կամ 1.5 էջ:

-Հաղթողները հայտնի կդառնան ու կպարգևատրվեն «Գորիսյան օրեր» տոնակատարության օրը՝ Բակունցի տուն-թանգարանում անցկացվելիք գրական ցերեկույթի ժամանակ /օրվա մասին կտրվեն լրացուցիչ տեղեկություններ/:
-Շարադրությունները քննարկության են դրվելու mirhav.blogspot.com կայքում: Լինելու է նաև քվեարկություն: 

-Լավագույն աշխատանքները կհրապարակվեն: 

Աշխատանքներին կից անհրաժեշտ է ներկայացնել.

- մասնակցի մեկ լուսանկար,

- մասնակցի հեռախոսահամարը,

- դպրոցի անվանումը, համարը, դասարանը:

Աշխատանքներն անհրաժեշտ է ներկայացնել Ակսել Բակունցի տուն-թանգարան /հասցեն՝ ք.Գորիս, Մաշտոցի 41/ կամ ուղարկել էլեկտրոնային հասցեով` mirhav@mail.ru, bakuncmuseum@mail.ru: 

* Շարադրության խորագիրը վերաբերում է  Ա.Բակունցի «Մթնաձոր» ժողավածուին: